na ism e musalmani hoga kaafi khuld ke liye
jasamat e insani bhi hogi nakaafi khuld ke liye
hai nahi angeethi ki tapish bardasht tumko
karoge kya jab mayassar nahi hogi faryad tumko
hai mohlat bas ke jab tak ragon ki ravani hai
ehsaas karo na karo hai ye to faani hai
nahi shae e zahirdari tareeqe kar qalb ki safayi ka
nahi kaam ye aaasaan ke jaisa daadhi ki safayi ka
sanad jab tumko milne lage tumhare jazbon mein
aur qareeb tar tumhare logon ki nazron mein
to jano hissa hai akhlaaq o maamlaat bhi
aur rahe bedaar tumhari niyat mohtaat bhi
kab tumhari parwaaz e khudsari ki tadbeer ho jaye
kab tumhari bayaz e fael aseer ho jaye
abhi mumkin to hai kal ko rahe na rahe
khudbeeni ki haalat tum mein rahe na rahe
aao dozakh ki lapak se bachne ka intezaam karein
kaam jahan bhar ka karte hain khud ka kaam karein