Mere Khwab

khwab mujhe apne nashe mein rakhne lage hain
aur andaza mujhe khud mera hone dete nahi
nigaahon pe parde khoobsoorat rahne lage hain
aur mere par mujhe parwaaz lene dete nahi
ye qaid ek be salaakh o zanjeer ki hai
aur nigahbaan mere mujhe sone dete nahi
nahi aisa hi quwwat bahot bardasht ki hai
aur hausla mujhe mere apne dete nahi
mere apne hi chehre mein do rahne lage hain
aur aine mujhe khud ko pehchanne dete nahi
dil o dimagh ek doosre ko dhone lage hain
kaargar kisi faisle ko ye hone dete nahi
kuchh kharabi to zaroor meri tahreer ki hai
raahat mujhe mere hi kuchh alfaaz dete nahi
chahat meri apne khwabon mein rahne ki hai
bas zara eitemaad mujhe mere humraaz dete nahi..

dil ki duniya

Hairat mein hain sargarmiyaan kya aarzoo karein
aur kaise inki taseer ko hum char su karien
nigaahon ki zara door tak tafreeh ho guzre
phir quwwat e zapt mein hum tabdeeli shuru karein
nahi maroof hain apne hi dil ki duniya mein
awwal to apne tukde ghairat mein sameta karein
kar lein zer e kafan apni ladkhadahat ko
aur phir apne dil ki duniya se ruju karien
aati hai surkhi hena ki tab hi kisi talve pe
qatron mein sahi kuchh khoon e jigar zaye ho
shadeed tar tar aankhon ko ab kaise karein
baqi hai abhi ye bache aansuon ko lahu karein