Fareb

Fitrati khaake mere aur unke rangon ka fareb

nadaan chahatein bas khinchti chali gayein

fitrati  saadgi unki aur meri umangon ka fareb
jo zid pe meri fitratein utarti chali gayein

khata ho meri to khata hi sahi
kirnon ka mujassema jo zer e nazar raha
aisi nazar mein to koi aeb e nazar nahi
jo tasveerein  khud hi sanvarti chali gayein

kahe hain ke ye dhool koi ghubaar e mushq nahi
hum ke aapmein hararat e lahoo e chashm kam hai
mere gul bhi koi kaaghzi khushq nahi
jo khushbuein fiza mein taerti chali gayein

iltija ye faryadi jo zid pe sada rahi
aur khair mein khair ka dhoondna mera
tahra ke apna apnon se maangna sahi
jo majbooriyan meri ulajhti chali gayein

fitrati khaake aur unke rangon ka fareb
jo surkhiyan chashm e tar se  tapakti chali gayein
fitrati tarannum aur unke labon ka fareb
jo tanhayyian meri garajti chali gayein.